ကျဆုံးသွားတဲ့မော်လမြိုင်က (၁၁)နှစ်သမီးလေး အေးမြတ်သူအတွက် လှူဒါန်းမှုတွေပြုလုပ်ခဲ့တဲ့ မမဆောင်း

မမဆောင်းလို့ အများကချစ်စနိုးခေါ်ကြတဲ့ အဆိုတော်သရုပ်ဆောင် ဆောင်အိနြေ္ဒထွန်းကတော့ ဟန်ဆောင်မှုကင်းပြီး ပွင့်လင်းတဲ့ဟန်ပန်လေးတွေကြောင့် အနုပညာလောကမှာ ပရိသတ်တွေက တစ်ခဲနက်အားပေးချစ်ခင်နေကြရသူပဲ ဖြစ်ပါတယ်..။

အောင်မြင်တဲ့အနုပညာရှင်တစ်ယောက်အဖြစ် အခိုင်အမာရပ်တည်နေတဲ့ သူမကတော့ လက်ရှိအခြေအနေတွေမှာ ပြည်သူတွေအတွက် လှူဒါန်းမှုတွေပြုလုပ်ပြီး တတ်နိုင်ဘက်ကနေ အားဖြည့်ပါဝင်နေတာလည်း တွေ့ရပါတယ်..။

လိုအပ်နေကြတဲ့ ပြည်သူတွေအတွက် လှူဒါန်းမှုတွေပြုလုပ်ပေးနေတဲ့ မမဆောင်းကတော့ တော်လှန်ရေးတိုက်ပွဲကြီးအတွင်း ကျဆုံးသွားခဲ့တဲ့ မော်လမြိုင်က (၁၁)နှစ် သမီးလေး အေးမြတ်သူအတွက် လှူဒါန်းမှုတွေ ပြုလုပ်ခဲ့ပြန်ပါတယ်..။

ကွယ်လွန်ကျဆုံးသွားရှာတဲ့ သမီးငယ်လေးအတွက် ဒီကနေ့မတ်လ(၃၀)ရက်နေ့မှာ အလှူငွေ (၂)သိန်းကို လှူဒါန်းပြီးဖေးမကူညီခဲ့တာဖြစ်ပြီး သမီးလေးအတွက် စိတ်မကောင်းဝမ်းနည်းရသလို ကောင်းရာသုဂတိလားစေဖို့ကိုလည်း မမဆောင်းက ဆုတောင်းပေးထားတာ တွေ့ရပါတယ်..။

“မော်လမြိုင် မြို့ ဇေယျာ( ၂ ) ၅ လမ်း မှာ အိမ်ထဲမှာနေရင်း သမီးလေး ၁၁ နှစ် အေးမြတ်သူ အပစ်ခံရပြီး ကံမကောင်းပဲ ဆုံးသွားရှာလို့ နာရေး အလှုငွေ ၂ သိန်း မမဆောင်း မှ လှုဒါန်းပါဒယ်

သမီးလေး အေးမြတ်သူ ကောင်းရာဘုံဘဝရောက်ပါစေ

မိသားစု နဲ့ ထပ်တူဝမ်းနည်းရပါတယ်ရှင်😭

လှုချင်သူများ

မော်လမြိုင် ဇေယျာ(၂) ၅ လမ်း

ဖုန်း က ကိုမျိုး 09425269037..” ဆိုပြီး စိတ်မကောင်းစွာ ရေးသားပြောပြထားတာပါ..။

သူမရဲ့အလှူအကြောင်းကို ပြန်လည်ဝေမျှရင်း သမီးလေးအတွက်လှူဒါန်းလိုတဲ့ အလှူရှင်တွေအတွက်လည်း ဆက်သွယ်လှူဒါန်းနိုင်မယ့်ဖုန်းနံပါတ်နဲ့ လိပ်စာကိုလည်း အသိပေးပြောပြထားတာလည်း တွေ့ရပါတယ်..။

သတင်းအရင်းမြစ်: Saung Eindaray’s Fb Acc

Leave a Reply

Your email address will not be published. Required fields are marked *